Бүгін, 30 шілдеде Париж Олимпиадасында қазақстандық екі боксшы рингке шығады.
80 келіге дейінгі салмақта Нұрбек Оралбай 1/8 финалда аустралиялық Каллум Питерспен жұдырықтасады. Жекпе-жек Астана уақытымен 19:18-де басталады және оны "Ел Арнадан" тамашалауға болады.
23:00-де 51 келіде өнер көрсететін Сәкен Бибосынов рингке көтеріледі. Қазақстандық боксшы 1/8 финал кезеңінде түркиялық Самет Гюмюшпен айқасады. Бұл жекпе-жекті "Хабар" арнасы тікелей көрсетеді.
Бибосынов та, Оралбай да әлем чемпиондары болғанын айта кетейік.