Неймар "Реалға" ауысуы үшін әдейі ПСЖ басшыларымен қарым-қатынасын бұзып жатыр
Пікірлер
blog.share
"Пари Сен-Жермен" клубының бразилиялық шабуылшысы Неймар Франция біріншілігінен көңілі қалып, командадан кеткісі келеді. Бұл туралы AS.com басылымы хабарлап отыр.
Бразилиялық шабуылшы өзін Парижде ыңғайсыз сезініп отыр екен. ПСЖ сапына ол жазда "Алтын допты" алу мақсатында ауысқан болатын. Бірақ арада жарты жыл өткеннен кейін Францияға келгеніне өкініп отыр. Ол Франция біріншілігінен көңілі қалып, бұған дейін "Барселонаның" намысын қорғаған Испания чемпионатына қайта оралғысы келеді.
Дереккөздің мәліметі бойынша, Неймар жазда мадридтік "Реал" сапына ауысқысы келеді. Тіпті бұл трансфер үшін ол аз жалақы алуға да дайын. Сондықтанда ол әдейі командалас әріптестерімен және жанкүйерлермен қарым-қатынасын бұзып жатыр. Ал оның мұндай қылығына ПСж басшылары өкпелі көрінеді.
Басылым оған мысал ретінде Франция біріншілігінде "Дижонға" қарсы ойынды айтып отыр. Бұл ойында бразилиялық шабуылшы Эдисон Каваниден пенальти тебу мүмкіндігін әдейі тартып алып, жанкүйерлердің наразылығына қалған еді.
Еске салайық, Неймар ПСЖ сапына 2017 жылдың жазында "Барселонадан" рекордтың 222 миллион еуроға ауысып келді. Бразилиялық шабуылшы париждік клуб сапында жылы 37 миллион еуро табыс табады. Бұл ең жоғары жалақы алатын футболшылар арасындағы екінші көрсеткіш. Бірінші орында жылына 50 миллион еуро алатын "Барселонаның" шабуылшысы Лионель Месси келе жатыр.
"Реал" сапындағы ең жоғары жалақы алатын футболшы - Криштиану Роналду. Португалиялық шабуылшының жылдың жалақысы 21 миллион еуро. Бұған дейін БАҚ мадридтік клубтың басшылары Неймарды өз қатарларына қосу үшін ПСЖ клубына 32-жастағы Роналдуды беруге дайын екенін жазған еді.
blog.share
"Пари Сен-Жермен" клубының бразилиялық шабуылшысы Неймар Франция біріншілігінен көңілі қалып, командадан кеткісі келеді. Бұл туралы AS.com басылымы хабарлап отыр.
/>
Жарнама