"Спартак" - "Астана" кездесуін Қазақстанда тікелей эфирде көрсете ме?

Чемпиондар лигасынының екінші іріктеу кезеңіндегі елордалық "Астана" мен латвиялық "Спартак" арасындағы кездесуді Қазақстан аймағында "Хабар" телеарнасы көрететін болды, деп хабарлайды Vesti.kz телеарнаның баспасөз қызметіне сілтеме жасап. 

Кездесу 12 шілде күні Юрмала қаласында өтеді. "Хабар" арнасы кездесуді Астана уақыты бойынша 22:00-де көрсетеді. Ойынды Ермұхамед Мәулен мен Айбек Қабылша тек қазақ тілдерінде жүргізетін болады. 

""Астана" еліміздегі ең мықты клубтардың бірі. Сондықтан да "Хабар" арнасына елордалық клубтың Чемпиондар лигасындағы кездесуін көрсету үлкен мәртебе. Қазақстандық жанкүйерлер Юрмалада өтетін ойынды тікелей эфирде көрулері тиіс. Біз оны ұйымдастырамыз", - дейді бұл мәселеге байланысты "Хабар" арнасының спорт бөлімінің продюссері Асхат Жақаев.