"Ордабасы" хорватиялық жартылай қорғаушымен толықты

Шымкенттік "Ордабасы" хорватиялық жартылай қорғаушы Оливер Петракпен толықты. Бұл туралы клубтың ресми сайты хабарлайды. 

26 жастағы жартылай қорғаушы клубпен бір жылдық келісімшарт жасады. Петрак шымкенттік клуб сапына еркін агент ретінде өтіп отыр. 

Бұған дейін Оливер Петрак хорватиялық "Локомотив", "Динамо Загреб", "Лучко", "Истру" және босниялық "Зриньски" секілді клубтардың намысын қорғаған.

Өткен жылы ол босниялық клуб сапында жалпы 36 кездесуге қатысып, 5 гол және 4 нәтижелі пас берген.