Алтын тайтұяқ пен 25 миллион. Дәурен "Қазақстан Барысында" жеңіске жетті

Дәурен Нұрәлінов "Қазақстан Барысы-2021" турнирінде жеңіске жетті, деп хабарлайды Vesti.kz. 

Бұл жарыстың жеңімпазы 25 миллион теңге мен алтын белбеу иеленеді. 

Шешуші белдесуде Дәурен Ғалымжан Қырықбайды жеңді. Негізгі төрт минутта белдесу тең аяқталды да, қосымша уақытта Нұрәлінов басым түсті. 

Үшінші орын үшін Еламан Ерғалиев пен Нұрдәулет Жарылғапов күш сынасты. Бұл белдесуде Нұрдәулет қарсыласын жықты.