Париж Олимпиадасының өтетін мерзімі белгілі

Халықаралық Олимпиада комитеті 2024 жылы Парижде өтетін Олимпиада ойындарының өту уақытын бекітті. Бұл туралы арнайы баспасөз-мәслихатында ХОК президенті Томас Бах мәлімдеді.

Францияның астанасындағы жазғы Олимпиада ойындары 2024-ші жылы, шілденің 26-ы мен тамыздың 11-і аралығында өтеді.

Былтыр қыркүйек айында ХОК тұңғыш рет өз тарихында екі жазғы Олимпиаданың өту орнын бір уақытта жариялаған болатын. Осылайша, 2024 жылы Олимпиада ойындары Парижде, ал 2028 жылы Лос-Анджелесте өтетін болды.