Ханчжоуда өтіп жатқан Азия ойындарындағы Қазақстанның жүлделік есептегі орны өзгерді, деп хабарлайды Vesti.kz.
Каноэмен есуден ерлер командасынан Сергей Емельянов және Тимур Хайдаров алтын жеңіп алған болатын.
Осы жетістік арқасында Қазақстан жүлделік есепте 13-орыннан оныншы орынға көтерілді. Қазіргі таңда еліміздің қоржынында 36 жүлде бар, оның төртеуі алтын, 7 күміс және 25 қола.
Қазақстан бұған дейін де жүлделік есепте оныншы орында болған, ол кезде қоржынға бірден екі алтын түскен еді.
Жүлделік есепте көш басында Қытай - 251 (139-73-39), Жапония - 116 (30-43-43) және Оңтүстік Корея - 128 (30-38-60).