Альварестен жеңіліп қалса да Головкинмен жұдырықтасамын - Сондерс

Орта салмақта WBO чемпионы Билли Джо Сондерс 5 мамырда мексикалық Сауль "Канело" Альварестен жеңіліп қалса да қазақстандық боксшы Геннадий Головкинмен жұдырықтасуға дайын екенін мәлімдеді, деп жазды Vesti.kz.

"Ол мынаны түсінуі керек, егер ол келісім жасасу үстелінде барлық белдіктерінсіз отырса, ол Б жақ тарап болады, ал мен А жақ боламын. Олай болса жекпе-жек Англияда өтеді. Мен оған осындай мүмкіндік беремін (WBO нұсқасы бойынша титулға таласу). Бірақ, Головкин "Канелоны" жеңеді деп үміттенемін. Менің ойымша, оны ауыр жұмыс күтіп тұр, себебі ол төрешілерге қарсы және "Алтын ұлға" қарсы күреседі. GGG бірінші жекпе-жекте "Канелоны" жеңді деп есептеймін, меніңше, үш ұпайға, бірақ олар (төрешілер) тең түсті деді", - деп мәлімдеді Сондерс Boxingnews24.com басылымына.

Еске сала кетейік, 5 мамырға белгіленген Головкин - Альварес арасындағы реванш матч Лас-Вегаста T-Mobile аренасында өтеді. Егер бұл жекпе-жек өтпей қалса, Головкин Сондерспен жұдырықтасатынын айтты.