Қазақстандық Азия чемпионы Ханчжоуда алтынға айқасады

Қазақстандық каратеші Нұрқанат Әжіқанов 2023 жылғы Азия ойындарының финалына өтті, деп хабарлайды Vesti.kz.

Жарыстың 1/2 финалында 75 келіде өнер көрсететін Нұрқанат малайзиялық Рагхонатхан Шармендранды жеңді (4:3).

Енді ол Азиаданың алтын жүлдесіне таласады. Айта кетейік, Әжіқанов әлем чемпионатының екі дүркін қола жүлдегері және Азияның үш дүркін чемпионы. 

Қазіргі таңда Қазақстан қоржынында Азиаданың 51 жүлдесі бар - бес алтын, 11 күміс және 35 қола.