Халықаралық дзюдо федерациясы (IJF) "Ерлер арасындағы жылдың үздік дзюдошысы" номинациясы бойынша IJF Judo Awards 2024 қысқа тізімін ұсынды, деп хабарлайды Massaget.kz тілшісі.
Кеңейтілген тізімге Парижде (Франция) өткен 2024 жылғы Олимпиада ойындарының жеті жеңімпазы енген.
Тізім IJF сайты арқылы көрермендердің дауыс беруі негізінде жасалды. Нәтижесінде жеті үміткердің ішінен үш спортшы таңдалды: қазақстандық Елдос Сметов, Хидаят Гейдаров (Әзірбайжан) және Лаша Бекаури (Грузия).
Енді бұл номинация бойынша жеңімпазды IJF сарапшылар комиссиясы анықтайтын болады.
Марапаттау рәсімі 1-2 ақпан күндері Парижде (Франция) өтетін Grand Slam турнирі кезінде өтеді.