Әлем чемпионатында Әбибадан өзге дзюдошылардың бәрі жығылды

Әбу-Дабиде өтіп жатқан дзюдодан әлем чемпионатында Қазақстанның ерлер құрамасы бірде-бір жүлде жеңіп ала алмады. 

Бүгін татамиге шыққан спортшыларымыздың барлығы да жеңіліс тапты. 

100 келіге дейінгі салмақта Нұрлыхан Шархан даниялық Дэниел Эйчтен жығылды. +100 келі салмақтағы Ерасыл Қажыбаев бахрейндік Азамат Чотчаевқа есе жіберді. +78 келідегі Камила Берліқаш екінші айналымда қытайлық қарсыласынан жығылып қалды. 

Осылайша, Қазақстан құрамасы дзюдодан әлем біріншілігін 1 қоламен аяқтап отыр. Оны 48 келіде Абиба Әбужақынова жеңіп алған еді. Ал Қазақстандық өзге дзюдошылар түгел жеңілді.