Бүгін, 22 мамырда хоккейден Қазақстан құрамасы Тампере (Финляндия) және Ригада (Латвия) өтіп жатқан әлем чемпионатының топтық кезеңіндегі соңғы матчін өткізеді, деп хабарлайды Vesti.kz. Қарсылас Словения командасы.
Матч Астана уақытымен 23:20-де басталады. Кездесуді Qazsport тікелей көрсетеді. Трансляция телеарнаның ресми сайтында қолжетімді.
Бұл матч алдында қазақстандық команда 4 ұпаймен В тобында алтыншы келеді және топ-дивизионда қалып отыр. Ал ұпай жинай алмаған словениялықтар соңғы сегізінші орында.