Қазақстан жасөспірімдер құрамасы шайбалы хоккейден IА дивизионы бойынша өтіп жатқан жасөспірімдер арасындағы әлем чемпионатындағы үшінші ойында Дания командасымен кездесті.
Екінші кезеңде қарсылас екі мәрте алға шықты, алайда қазақстандық хоккейшілер есепті екі рет теңестіре алды. Дегенмен, үшінші кезеңде Дания хоккейшілері жауапсыз үш шайба соғып, 5:2 есебімен жеңіске жетті.
Осылайша, Венгрияда өтіп жатқан әлем чемпионатында біздің құрама екінші рет жеңіліп отыр. Қазіргі таңда команда еншісінде бір ғана жеңіс бар.
Сергей Старыгиннің шәкірттері келесі кездесуін 24 сәуірде Австрия құрамасына қарсы өткізеді. Матч Астана уақытымен сағат 19:00-де басталады.
Жарнама