Хоккейшілер мінген ұшақ апатқа ұшырауға шақ қалды

"Лада" хоккейшілері мінген ұшақ Рига әуежайында ұшу жолағынан шығып кетіп, жазыққа қонды. Ұшақ ішіндегі барлық адамдар сау, деп хабарлайды "Р-Спорт" басылымы. 

Бейсенбі күні Құрлықтық хоккей лигасы аясында тольятталық клуб түзде "Динамомен" кездесіп, қосымша уақытта 1:2 есебімен жеңіліп қалды. Осы ойыннан кейін команда Уфада "Салават Юлаевпен" өтетін кездесуге келу керек болатын. Жоспар бойынша Башқұрстанның бас шахарына команда жұма күні келуі керек еді. Бірақ келеңсіз жағдайдан кейін команда кешігіп келетін болды. 

"Жағымсыз жағдай болды. Бірақ соңы сәтті аяқталды. Енді жылдамдық ала бастағанымызда ұшақ оңға қарай кетіп, жазыққа тоқтады. Ригада қазір ауа райы жылы. Жауын жауып тұр. Ұшу жолағында мұз жоқ. Бізге жеткен мәлімет бойынша, қозғалтқыштардың бірі керекті жылдамдықты ала алмапты. Сол себепті де ұшақ оңға қарай кетіп қалған. Әрине, жағымсыз. Бірақ арты сәтті аяқталды. Барлық жолаушылар аман. Екінші ұшақты күтіп отырмыз. ", - дейді "Лада" командасының бас бапкері Артис Аболс