Хоккейден ӘЧ-2022. Қазақстан құрамасының кезекті сәтсіздігі

Хоккейден Қазақстан құрамасы Финляндиядағы әлем чемпионатында қатарынан үшінші ойында ұтылды, деп жазады Vesti.kz тілшісі.

А тобында Швейцария командасымен өткен тартысты матч 2:3 есебімен аяқталды. Қазақстан құрамасынан Денис Мальгин мен Валерий Орехов ерекшеленсе, швейцариялықтардан Дарио Симон, Фабрис Херцог және Джесси Блэкер көзге түсті. Кездесу барысында қазақстандық хоккейшілер қарсылас қақпасына 14 соққы жасаса, швейцариялықтар 43 рет қақпаны нысанаға алды.

Осылайша, Юрий Михайлис шәкірттері А тобында Италия құрамасымен бірге жарыста ұпай алмаған команда ретінде турнир кестесінің соңында тұр. Енді жерлестеріміз әлем чемпионатындағы төртінші кездесуін 19 мамыр күні Канада командасына қарсы өткізеді.