Бүгін, 21 желтоқсанда "Барыс" ҚХЛ тұрақты чемпионатындағы кезекті матчін өткізеді, деп хабарлайды Vesti.kz.
Астаналық команда сырт айдында Екатеринбургтің "Автомобилистімен" кездеседі. Ойынның басталуы 20:00. Матчті Qazsport тікелей көрсетеді.
Қазақстандық клуб 38 ұпаймен Шығыс конференциясында сегізінші, ал бір балл артық жинаған ресейлік команда жетінші орында.
Екі команда қыркүйекте Қазақстан астанасында кездесу өткізген: "Барыс" 5:4 есебімен ұтқан болатын. Шайбаның бірін жаңа командаға ауысып үлгерген Даррен Диц салған еді.