Болашағы зор қазақстандық хоккейші "Барыс" жүйесінен кетіп қалды

Қазақстандық шабуылшы Владислав Сайко "Барыс" жүйесінен кетті де, Беларустік "Гомельмен" келісімшарт жасады. 

"Есесіне астаналық клуб басшылығы ешкімге белгісіз, кәсіпқой деңгейде еш ойнамаған канадалық әуесқой Илайдж Вилиомен келісімшарт жасады", - деп жазады "Шайба.kz".

Өткен маусымда Сәтбаевтың 20 жастағы тумасы "Қар Барыстарының" сапында ойнады. Қазақстанның тұрақты чемпионатында ол 39 матчте ойнап, 16 (11+5) ұпай жинады.

2019-2020 маусымында шабуылшы Қазақстан жастар құрамасы сапында Чехияда өткен әлем чемпионатына қатысқан еді. Соған қоса, ол Финляндия мен АҚШ жастар лигасында ойнаған.