"Барыс" сапына америкалық әлем чемпионы ауысады

Америкалық шабуылшы Джереми Бракко елордалық "Барысқа" ауысады, деп хабарлайды Шайба.кз сайты.

Өткен маусымда 25 жастағы хоккейші Германияда өнер көрсетті. Ол "Крефельд Пингвин" сапында өткізген 54 матчта 54 ұпай (14+40) еншілеген. Осыған дейін форвард Финляндия чемпионатында АХЛ, ОХЛ, NCAA, USDP және USHL клубтарының намысын қорғаған.

Бракко спорттық карьерасында АҚШ құрамасымен бірге жасөспірімдер мен жастар арасында әлем чемпионы атанды. Сонымен қатар, АХЛ чемпионына берілетін Колдер Кубогін иеленген. Канада хоккей лигасында Мемориалды Кубокті қанжығасына байлаған.