"Барыс" ойыншысы ҚХЛ аптасының үздік шабуылшысы

Қазақстандық "Барыстың" ойыншысы Никита Михайлис Құрлықтың хоккей лигасы (ҚХЛ) тұрақты чемпионатындағы он тоғызыншы аптасының үздік шабуылшысы атанды, - деп хабарлайды Vesti.kz.

Қазақстан құрамасының форварды сырт мұзайдындағы үш матчте төрт (3+1) ұпай жинады. Ол "Йокеритпен" ойында жеңіс голын салған. Ал СКА командасына қарсы ойында дубль жасады. 

Осы маусымда Михайлис "Барыс" үшін тұрақты чемпионатта 52 матч ойнап, 28 (14+14) ұпай жинады.