Қазақстандық Азамат Төлеген Ташкентте өтіп жатқан ауыр атлетикадан Азия чемпионатының қола жүлдегері атанды, деп хабарлайды Vesti.kz ААФ баспасөз қызметіне сілтеме жасап.
61 келіде өнер көрсететін Азамат жалпы 262 (112+150) келі көтерді. Сонымен қоса, ол жұлқа көтеруде күміс иеленді.
Бұл Азия чемпионатындағы Қазақстанның екінші жүлдесі. Мұның алдында Ерасыл Умаров қола жеңіп алған еді.
Ташкенттегі құрлықтық турнир 25 шілдеге дейін жалғасады.