"Милад мұнымен тоқтамайды". Бас бапкер Каримиге баға берді

Жапонияның Китакушу қаласында спорттық гимнастикадан әлем чемпионаты аяқталды. Бұл біріншілікке Токио Олимпиадасында ел намысын қорғаған Милад Карими де қатысты. Қазақстан командасының бас бапкері Александр Ким Миладтың көрсеткішіне өз бағасын берді, - деп хабарлайды Olympic.kz. 

"Милад Карими еркін жаттығуда жетінші орын алды. Ал гимнастикалық кермедегі жаттығуда ол өте қиын элементтерді орындады. Соған қарамастан, бесінші орында қалды. Енді мұнымен тоқтамай, алдағы жарыстарға дайындаламыз", - дейді бас бапкер. 

Айта кетелік, әлем чемпионатында қазақстандық гимнастар төрт финалға шықты. Алайда, бапкерлер шешімімен Карими көпсайыстағы финалдан бас тартты.