Қазақстандық гимнаст соңғы әлем кубогі кезеңінде бесінші болды

Италияның Милан қаласында көркем гимнастикадан әлем кубогінің биылғы маусымдағы соңғы кезеңі аяқталды.

Бұл жарысқа Қазақстан атынан Эльжана Таниева қатысты. Көпсайыс қорытындысы бойынша Эльжана 12-орын иеленді. Сондай-ақ, доп жаттығуы бойынша финалда өнер көрсетіп, 33.65 ұпаймен 5-орын алды. 

Еске сала кетейік, Эльжана Таниева Ташкентте өткен Азия чемпионатында топ жарып, Париж Олимпиадасының квотасын иеленген болатын.