Қазақ гимнастшы халықаралық Гран-При жүлдесін иеленді

Көркем гимнастикадан Испанияның Марбелья қаласында өткен халықаралық Гран-При жарысында отандасымыз Елжан Таниева үздік үштіктен көрінді.

Қазақстандық гимнасшы доппен жаттығу сайысының финалында 32.900 балмен қола жүлдеге қол жеткізді. Ал алтын мен күміс медальды болгар елінің спортшы қыздары Стиляна Николова (35.700) мен Ева Брезалиева (33.600) жеңіп алды.

Өзге жаттығу сайыстарында да Елжан Таниева нәтижелі өнер көрсетіп, үздік 8 гимнасшы қатарына енді. Гимнастикалық шеңберде 6-орын, ұршық айналдыру сайысында 7-орыннан көрінді.

Айта кетейік, Таниева ақпан айының соңында Эстонияда өткен Гран-Приде күміс медаль еншілеген еді.