Зидан "Реалға" бас бапкер болып тағайындалғаны хабарланды
Пікірлер
blog.share
Франциялық маман Зинедин Зидан мадридтік "Реалдың" бапкері болып тағайындалды. Бұл туралы испаниялық клубтың баспасөз қызметі мәлімдеді
Кеше, 11 наурызда "Реалдың" директорлар кеңесі команданы 30 қазаннан жаттықтырп келген аргентиналық маман Сантьяго Солариді орнынан босатып, Зиданды тағайындау туралы шешім қабылдады. Биылғы маусымды клуб Испания құрамасының бұрынғы бапкері Хулен Лопетегидің жаттықтыруымен бастаған еді, "Барселонадан" ойсырай жеңілген соң (1:5) бұл маман да қызметінен босатылды.
46 жастағы Зиданның клубпен келісімшарты 2022 жылға дейін есептелген. Зидан "Реалды" 2016 мен 2018 жылдар аралығы жаттықтырған, осы уақытта олар үш рет қатар Чемпиондар лигасын ұтқан, Испания чемпионатын жеңіп, елдің Суперкубогын және екі рет УЕФА Суперкубогын иеленген. Сонымен бірге, клубтар арасындағы әлем чемпионатында екі мәрте жеңімпаз болды.
Футболшы ретінде Зидан "Реал" сапында 2001 мен 2006 жылдар аралығы ойнады. Жартылай қорғаушының карьерасында мадридтік клуб соңғы болды.
Испания чемпионатында "Реал" үшінші, алайда, наурызда бір апта ішінде Чемпиондар лигасы мен Кубок үшін жарыстан шығып қалды. 16 наурыздағы келесі ойында мадридтіктер "Сельтаны" өз алаңында қабылдайды.
blog.share
Франциялық маман Зинедин Зидан мадридтік "Реалдың" бапкері болып тағайындалды. Бұл туралы испаниялық клубтың баспасөз қызметі мәлімдеді
/>
Жарнама