Зайнутдиновті "Реалға" трансферге "қойды". Бұл рекорд болады

Түркиялық "Бешикташ" Қазақстан құрамасының жартылай қорғаушысы Бахтиер Зайнутдинов үшін испаниялық "Реал Вальядолидтан" қанша сұрап отырғаны белгілі болды, деп жазады Vesti.kz.

Испаниялық клуб Бахтиерді жалға алғысы келеді, алайда, "Бешикташ" ойыншыны тек кейін толық сатып алу құқымен ғана бергісі келеді. Ал трнасфер құны 5 миллион еуро (шамамен 2,5 миллиард теңге). Бұл туралы Timeturk басылымына сілтеме жасай отырып Pucela Fichajes хабарлап отыр. 

Егер "Вальядолид" көрсетілген сомманы төлесе, Зайнутдинов клубтың бүкіл тарихындағы екінші ең қымбат трансфері болмақ. Испаниялық команданың бұған дейінгі қатарына қосқан ең қымбат футболшысы Гонсало Плата, оның трансфері үшін 2022 жылы "Спортингке" 9 миллион еуро берген.