Transfermarkt сайты XXI ғасырда ойыншылардан ең көп пайда тапқан командаларды жариялады, деп жазады Vesti.kz тілшісі.
21 жыл ішінде ойыншыларды сатып, табысқа кенелген клубтар көшін Португалияның "Бенфикасы" бастап тұр. "Пиренейлік" команда 628 млн еуро тапқан. Португалияның тағы бір топ командасы – "Порту" 564 млн еуро табысқа кенелген.
Сонымен қатар, топ-10 командаға "Аякс" (416 млн еуро), "Лилль" (358 млн еуро), "Удинезе" (355 млн еуро), "Ривер Плейт" (325 млн еуро), "Сантос" (293 млн еуро), "Сан-Паулу" (283 млн еуро), "Спортинг" (275 млн еуро) және "Зальцбург" (269 млн еуро) ұжымдары кіреді.
Еске салайық, 1 қаңтардан бастап Еуропада трансферлік маусым басталды. Ойыншыларды 31 қаңтарға дейін сатып немесе жалға алуға болады. Германия мен Францияда трансфер жасау уақыты 2 қаңтар мен 1 ақпан аралығы өтсе, Испания мен Италияда 4 қаңтардан басталады.