Винисиус Чемпиондар лигасында Мессиден асып түсті

Мадридтік "Реал" Чемпиондар лигасының шешуші матчінде "Манчестер Сити" командасын ұтты, ал бразилиялық Винисиус Жуниор бұл ойында турнирдің плей-офф кезеңіндегі нәтижелі пастар бойынша аргентиналық Лионель Мессиден асып түсті, деп жазады Vesti.kz.

Жуниор 92-минутта Джуд Беллингемге пас беріп, англиялық ойыншы допты "МанСити" қақпасына дәл соқты. Осылайша, Винисиус Чемпиондар лигасы плей-офф кезеңінде 13-ші ассистін жасап, 12 нәтижелі пас берген Мессиден асып түсті. 

"Реалдың" 24 жастағы ойыншысы бұл нәтижеге 50 матчте, яғни, аргентиналықтан жылдамырақ жетіп отыр. Алайда оған Мессидің турнирдегі пастар бойынша жалпы рекордына әлі алыс.