Футболдан Португалия құрамасы мен саудиялық "Әл-Наср" клубының шабуылшысы Криштиану Роналду өзі өнер көрсетіп жүрген Сауд Арабиясы чемпионатынан алған әсері туралы айтты.
Атақты португалиялық футболшы лиганың қарыштап дамып келе жатқанын атап өтті."Чемпионаттың өсіп келе жатқаны мен үшін мақтаныш, оның үстіне саудиялық лиганы одан сайын жақсыртып, бәсекеге қабілетті ету үшін аты шыққан көптеген футболшы осында келіп жатыр. Мұнда бірінші жұлдыз болу - үлкен абырой. Енді бес немесе он жылда мұнда негізгі командалар ғана емес, академиялар да қарыштай дамитынын асыға күтемін", - деп береді Роналдудың сөзін лиганың баспасөз қызметі.