Роналду футбол клубымен аптасына 3,8 миллион еуро алатын келісімшартқа отырды

Португалия құрамасы мен "Әл-Наср" футбол клубының шабуылшысы Криштиану Роналду Сауд Арабиясында тағы бір жылға қалатын болды. Тараптар келісімшартты ұзартуға келісті, деп хабарлайды AS.

5 ақпанда 40 жасқа толатын португалиялық форвардтың қазіргі келісімшарты осы маусым аяғында бітеді. 

Дереккөз мәліметінше, Роналду ұсынысты қабыл алып, қазіргі таңда келісімшарт ресми түрде рәсімделуге аз қалыпты. Жаңа келісім бойынша Криштиану бір жылда 200 миллион еуро (шамамен 100 миллаирд теңгеден асады) еңбекақы алады. 

Осылайша, португалиялық футболшы әлем бойынша табысы ең жоғары ойыншы болады, енді ол аптасына 3,8 миллион еуро алып отырады. 

Еске салайық, Роналду "Әл-Наср" сапында 2023 жылдан бері өнер көрсетіп келеді.