"Реал" жалғыз гол салдарынан Испания кубогынан шығып қалды

Бильбаолық "Атлетик" Испания кубогының ширек финалында мадридтік "Реалды" өз алаңында ұтты, деп хабарлайды "Чемпионат".

Ойын 1:0 есебімен алаң иелерінің пайдасына аяқталды, салдарынан мадридтіктер турнирден шығып қалды, ал бильбаолықтар жартылай финалға шықты. 

89-минутта жалғыз голды 26 жастағы вингер Алехандро Беренгер салды.

Жартылай финал жұптары кейінірек жеребе нәтижесі бойынша анықталады.

Испания кубогының өткен ойнатылымында "Атлетик" финалға дейін жетіп, "Барселонадан" 0:4 есебімен ұтылған еді.