Мадридтік "Реалдың" бразилиялық шабуылшысы Винисиус Жуниор жамбас жарақатына байланысты қатардан шығып қалды.
"Реал" клубының баспасөз қызметінің хабарлауынша, футболшы сол жамбасын жарақаттап алыпты.
COPE мәліметінше, ойыншының сауығуы үш-төрт апта уақыт алады.
Transfermarkt мәліметі бойынша, Винисиустың трансферлік құны 200 миллион, бұл оны Эрлинг Холандпен қатар әлемдегі ең қымбат футболшы етіп отыр.
Ал 27 қарашада "Реал" Чемпиондар лигасы бесінші туры аясында "Ливерпульмен" маңызды матч күтіп тұр.