Нұралы Әліптің қайда ойнайтыны белгілі болды

Қазақстан құрамасының қорғаушысы Нұралы Әліп спорттық жолын "Зенитте" жалғастырады, деп хабарлайды СпортРадар.kz.

Белгілі болғандай питерлік клуб "Қайраттан" қорғаушыны сатып алды. Келісімшарт 4 жылға (3+1) жасасқан.

"Әзірге қаржылай жағын ашып айта алмаймын. Алайда қазақ футболының тарихындағы ең қымбат трансфер болды. Сонымен қатар, Әліпке Мәскеудің тағы бір үлкен клубы қызығушылық танытқан. Ал Әзірбайжаннан ұсыныстар түсті деген әңгімелер шындыққа жанаспайды", - делінген арна жазбасында.

Еске салайық, Қазақстан құрамасының қорғаушысы ресейлік командада 2022 жылдың ақпан айынан бері жалда өнер көрсетіп келді.