"Милан" Мальдиниді қызметінен босатты. Ал футболшылар наразы

Паоло Мальдини "Миланның" техникалық директор қызметінен кетті, онымен бірге, спорт директоры Фредерик Массара да кетіп барады, деп хабарлайды Calciomercato. 

Клуб басшылығы осындай шешім қабылдады, өйткені бұл мамандармен трансферлік бюджет бойынша араздық пайда болды. 

Ал "Миланның" басты ойыншылары бұған наразы болып отыр. Тео Эрнандес, Мик Меньян, Рафаэл Леау және Сандро Тонали мұндай шешімге қарсы. 

Еске салайық, 54 жастағы Мальдини футболшы карьерасын толықтай "Миланда" өткізген.