Мбаппе жартылай финалдан кейін марокколық ойыншыға үн қатты

Франция құрамасының шабуылшысы Килиан Мбаппе Катардағы жартылай финалдық матчтен кейін Марокконың қорғаушысы Ашраф Хакимиге қолдау сөзін жазды, деп хабарлайды Vesti.kz.

Еске салайық, финалға жолдама үшін матчте франциялық команда марокколықтарды 2:0 есебімен ұтты. Айта кетейік, Мбаппе мен Хакими бір клубта - ПСЖ командасында ойнайды. 

"Мұңайма, бауырым. Бәрі сенің ісіңді мақтан тұтады, сен тарихта атыңды қалдырдың", - деп жазыпты Мбаппе "твиттер" желісінде. 

Don’t be sad bro, everybody is proud of what you did, you made history. ❤️ @AchrafHakimi pic.twitter.com/hvjQvQ84c6

— Kylian Mbappé (@KMbappe) December 14, 2022

Мына суретте Дидье Дешам да Хакимиге қолдау білдіріп, жылулық танытып тұр. 

Ал Гризманн көңілі түсіп кеткен Джавад Әл-Ямикке жерден тұруға көмектесіп, қоллдауын білдіріп тұр.