Варшавада (Польша) UEFA Суперкубогының иегері анықталды. "Реал Мадрид" Италияның "Аталанта" командасын 2:0 есебімен ұтып шықты.
Ойындағы екі гол да екінші таймда соғылды. 59-минутта Винисиус Жуниордың тамаша пасынан кейін Федерико Вальверде есеп ашты.
Араға 9 минут сала Килиан Мбаппе өзінің алғашқы ресми ойынында алғашқы голын соқты. Осылайша "корольдік клуб" биылғы Суперкубок жеңімпазы атанды.
Мадридтік команда екі бірдей рекорд жаңартты. UEFA Суперкубогын 6 рет жеңіп алған алғашқы команда атанды. Ал Карло Анчелотти жаттықтырушы ретінде бұл кубокты 5-ші рет жеңіп алды.