Колумбиялық танымал футболшы Хамес Родригес Америка кубогы жарысында 6-шы нәтижелі пасын берді. Осылайша әйгілі аргентиналық Лионель Мессидің рекордын жаңартты.
Месси 2021 жылы 5 рет ассист жасаған еді. Жартылай финалдағы нәтижеден кейін бір жарыста нәтижелі пас беру көрсеткіші бойынша Хамес алға шықты.
Финалда Хамес пен Месси (бұрынғы "Реал" мен "Барса" ойыншылары) бір-біріне қарсы ойнайды.
Тағы бір айта кететіні, “Сан-Паулуда” ойнайтын Хамес Родригеске "Атлетико" мен "Реал Сосьедад" ұсыныс жасап көрмек.