Қазақстан құрамасының экс-ойыншысы маусым соңында карьерасын аяқтайды

Қызылордалық "Қайсар" клубының капитаны Мақсат Байжанов маусым соңында спорттық карьерасын аяқтайды, деп хабарлайды Vesti.kz тілшісі.

2022 жылы Байжанов бірінші лигада 18 ойын өткізіп, 3 гол салды. Сонымен қатар, 2 нәтижелі пас берді.

Ол "Қайсар" командасында осымен 11 маусымын өткізіп отыр. Футболшы әр жылдары "Ертіс", "Локомотив" (Астана), "Атырау", "Ақтөбе", "Жетісу" және "Шахтер" командаларының намысын қорғаған.

Қазақстан құрамасының сапында алғаш рет 2005 жылы шақырту алып, 30 матчта алаңға шықты.