Футболдан Қазақстанның жастар құрамасы Беларусь астанасы Минскте өтіп жатқан Даму кубогінде екінші матчін өткізді, деп жазады Vesti.kz.
Бауыржан Сағындық жаттықтыратын команда Ресей құрамасымен ойнады. Кездесу 1:1 есебімен аяқталды. 39-минутта Әкежан Қалиқұлов есеп ашып, Қазақстанды алға шығарды.
Ресейліктер 56-минутта есе қайтара алды, гол авторы Илья Всяких.
Еске салайық, мұның алдындағы матчте Қазақстан Иран құрамасын 2:0 есебімен ұтқан еді.
19 ақпандағы үшінші турда Қазақстанның жастары Әзірбайжан командасымен ойнайды.