Бүгін футболдан Қазақстан Кубогінің ойындары өтеді, деп хабарлайды Vesti.kz тілшісі.
Елорда уақытымен 20.00 Түркістанда "Тұран" мен "Қайрат" кездессе, 22.00 "Қайсар" өз алаңында "Ақтөбені" қабылдайды. Матчтардың тікелей трансляциясын PFLK.TV сайтынан тамашалай аласыздар.
Әзірге D тобында "Қайрат" үшінші, ал "Тұран" соңғы орынға жайғасқан. Қос ұжымның еншісінде үш ұпайдан бар. "Қайсар" мен "Ақтөбе" болса С тобында доп тебеді. Бес ұпайы бар қызылордалықтар әзірге екінші орында. Батыс қазақстандық ұжым үш кездесудің барлығында ұтылып, турнир кестесінің түбінде тұр.