"Қайрат" тарихындағы үздік легионердің бірі үшінші рет қатарынан еуропа чемпионатының "алтынын" ұтып алды

Бұрын "Қайрат" сапында ойнаған Исаэль Барбоза өнер көрсететін "Ференцварош" клубы Венгрия чемпионатының жеңімпазы атанды, деп хабарлайды Vesti.kz тілшісі.

Клуб "Уйпешт" командасын 30-айналымда 3:0 есебімен жеңді. Мюрто Узуни 13-минутта алғашқы гол авторы атанса, 77-минутта пенальтиді мүлт жібермеді. Сондай-ақ, Токмак Нгуен 30-минутта ойынның тағы бір голының авторы атанды. 

2019 жылдан бері "Ференцварош" сапында өнер көрсететін Исаэль үшін бұл қатарынан үшінші рет қол жеткізген жеңісі. 32 жастағы бразилиялық ойыншы "Қайрат" командасында 2014-2018 жылдар аралығында ойнаған еді. Бес маусымда 174 ойын өткізіп, 41 голдың және 54 ассист авторы атанған еді. Оның қоржынында ҚПЛ-дің төрт "күмісі" мен бір "қоласы", сонымен қатар Қазақстанның бір Кубогі мен Суперкубогі бар.