"Қайрат" киевтік "Динамомен" жолдастық кездесу өткізеді

Алматылық "Қайрат" маусым алдындағы оқу-жаттығу жиындары аясында киевтік "Динамомен" матч өткізеді, - деп хабарлайды Sportarena.com.

Жолдастық кездесу 28 қаңтар Түркияның Белек қаласында өтеді.

Маусымның күзгі бөлігін "Динамо" Украина чемпионатының турнир кестесін екінші болып аяқтады. Бірінші орындағы "Шахтерден" 14 ұпай артта.

Еске салайық, мұның алдында алматылық "Қайрат" Түркияда өтетін жаттығу жиындарында мәскеулік "Динамомен" 13 қаңтарда ойнайтыны хабарланған.