Катар құрамасы тарихта болмаған антирекорд жасады

Нидерланд құрамасы Катардағы әлем чемпионатының плэй-офф кезеңіне жолдама алды. Ал Катар құрамасы антирекорд жасады, деп хабарлайды Vesti.kz тілшісі.

3-турда нидерландтықтар турнир қожайыны Катармен кездесті. Катар футболшылары 2-турдан кейін плэй-оффқа шығу мүмкіндігінен айырылған еді.

Ойынның 26-минутында Коди Гакпо гол соқты. Ал Екінші таймның басында Френки Де Йонг көзге түсіп, Нидерланды 2:0 есебімен жеңіске жетті.

Осы жеңістен кейін Нидерланды құрамасы 7 ұпай еншілеп, топта бірінші. Ал Катар құрамасы соңғы орын алып, ешқашан болмаған антирекорд орнатты. Команда турнир қожайыны бола тұра, үш ойында да жеңілген алғашқы құрама атанды.