Қақпасын тастап келіп. Голкипер бұрыштама кезінде гол соқты

Футболдан бірінші лиганың 18-турында "Оқжетпес" пен "Қайсар" арасындағы ойын тең есеппен аяқталды, деп хабарлайды Vesti.kz тілшісі.

Көкшетаудағы матч 1:1 есебімен аяқталды. Алаң иелері кездесудің 92-минутына дейін ұтылып жатқан еді. Соңғы минуттарда бұрыштама добын орындау кезінде қақпасын тастап келген Александр Довгаль биік ұшқан допқа бірінші жетіп, таразы басын теңестірді.