Футболдан Қазақстан құрамасының бас бапкері Магомед Адиев Ұлттар Лигасында ел намысын қорғайтын құрамды бекітті, деп хабарлайды ҚФФ баспасөз қызметі.
Турнир алдында ұлттық құрама сапында төрт бірдей ойыншы алаңға шыға алмайды. Олардың арасында бір футболшы жарыс алдында жарақат алды.
"Юрий Логвиненко жарақатына байланысты алдағы ойындарда командаға көмектесе алмайды. Сонымен қатар, бапкерлік штабтың шешімі бойынша Алексей Щеткин, Думан Нәрзілдаев пен Әлібек Қасым қорытынды құрамға ілікпеді. Қазіргі таңда футболшылар өз клубтарына қайта оралды", - деп жазады құраманың ресми сайты.
Осылайша, УЕФА Ұлттар Лигасына арнайы жасақталған құрам төмендегідей:
Қақпашылар: Игорь Шацкий, Мұхаммеджан Сейсен, Бекхан Шайзада;
Қорғаушылар: Сергей Малый, Александр Марочкин, Бағдат Қайыров, Темірлан Ерланов, Нұралы Әліп, Елдос Ахметов, Михаил Габышев, Ғафуржан Сүйімбаев, Талғат Кусяпов;
Жартылай қорғаушылар: Асхат Тағыберген, Владислав Васильев, Самат Жарынбетов, Аслан Дарабаев, Исламбек Қуат, Тимур Досмағамбетов, Ян Вороговский, Эльхан Астанов, Бауыржан Байтана, Рамазан Оразов, Максим Самородов, Арман Кеңесов;
Шабуылшылар: Артур Шушеначев, Абат Айымбетов, Абылайхан Жұмабек.
Еске салайық, 3 маусым күні Қазақстан құрамасы "Астана Аренада" Әзірбайжан командасын қабылдайды. Үш күннен кейін Магомед Адиев баптайтын "қаршығалар" Трнава қаласында Словакиямен кездеседі.
10 маусымда Сербияның Нови-Сад қаласында жерлестеріміз Беларусь құрамасымен ойнайды. Ал 13 маусымда өз алаңында Словакия құрамасымен кездеседі.