Футболдан УЕФА Ұлттар лигасының екінші турында Италия құрамасы Венгрияны ұтты, деп хабарлайды Vesti.kz тілшісі.
А дивизионындағы тартысты матчта Роберто Манчини ойыншылары 3 гол соқты. Оның біреуі автогол. Атап айтқанда бірінші таймда Николо Барелла (30-минут) мен Лоренцо Пеллегрини (45-минут) көзге түссе, үзілістен кейін Джанлукка Манчини автогол авторы атанды.
Қонақта ұтылғанына қарамастан, мадияр командасы Джанлуиджи Доннарумманың қақпасына 14 соққы жасады. Алайда таразы басын теңестіре алмады. Қорытынды есеп 2:1
Осы жеңістің арқасында "скуадра адзурра" 4 ұпаймен үшінші топтың көшін бастады. Алғашқы турда Англиядан басым түскен Венгрия құрамасы екінші орынға жайғасты. Ал 2 ұпайы бар Германия мен 1 ұпайы бар ағылшындар төменгі орындарға орналасты.