Иран құрамасы әлем чемпионатына шықты

Футболдан Иран құрамасы Катар-2022 турниріне жолдама алды, деп хабарлайды Vesti.kz тілшісі.

Азия іріктеу аймағында Иран мен Ирак үшінші кезең аясында кездесіп, парсы құрамасы 1:0 есебімен жеңіске жетті. Ойындағы жалғыз голды 48-минутта Мехди Тареми соқты. Ал ирандықтардың басты жұлдызы Сердар Азмунды "Зениттің" бапкерлік штабы жібермегенін айта кеткен жөн.

For the first time in three years, Iranian women have been allowed to attend a football match of their country's national team as Iran host a World Cup qualifier against Iraq in Tehran. pic.twitter.com/6x3KINjEpq

— DW Sports (@dw_sports) January 27, 2022

А тобында 19 ұпай еншілеген Иран командасы квалификациялық турнирде екінші орыннан төмен түспейді. Осының арқасында Драган Скошич жігіттері Катардағы футбол тойына тікелей жолдама алып отыр. Ал Ирак болса 4 ұпаймен 5-орынға жайғасты.

Тағы бір айта кететін жәйт, Иранда араға үш жыл салып стадионға әйелдерді қайта кіргізуге рұқсат берілді.