Германия әлем чемпионатына мерзімінен бұрын іріктеліп шықты

Футболдан Германия құрамасы 2022 жылы Катарда өтетін әлем чемпионатына мерзімінен бұрын іріктелген жаһандағы жалғыз команда болып отыр.

Іріктеу кезеңінің сегізінші тур матчінде немістер сырт алаңда Солтүстік Македонияны 4:0 есебімен тас-талқан етті. Осылайша, J тобында мерзімінен бұрын бірінші орынға ие болып отыр, ал бұл орын Катардағы турнирге тікелей жолдама береді.

Ханс-Дитер Флик шәкірттері J тобындағыларды шаңына ілестірмей отыр. Қатар өткен матчте Румыния құрамасы Арменияны ұтты (1:0), ал Исландия командасы Лихтенштейнді ойсыратты (4:0). Іріктеу кезеңі аяқталардан екі тур бұрын немістер 21 ұпай жинады, бұл екінші орындағы Румыниядан сегіз баллға көп.

Сонымен бірге, Катардың өз құрамасы да әлем чемпионатына кепілді түрде қатысады - ұйымдастырушы ел құқығында. Турнир 2022 жылы 21 қазан мен 12 желтоқсан аралығы өтеді.