Футзал. "Қайраттың" қатысуымен өткен ойын сенсациямен аяқталды

Футзалдан Қазақстан чемпионатының кезекті турында "Қайрат" клубы қонақта "Каспийге" ұтылды, деп хабарлайды Vesti.kz тілшісі.

Тартысты өткен кездесуде Алматыдан келген команда есеп ашты. Дәлірек айтқанда Шыңғыс Есенамановтың пасын қабылдаған Дәурен Тұрсағұлов қайшылап теуіп әдемі гол соқты.

Үзілістен кейін ауқтаулықтар сапында Арнольд Кнауб пен Тьяго Кабеса қос-қос гол соғып, жиналған жанкүйерлерін қуанышқа бөледі. Айтпақшы, сыйымдылығы екі мыңға әрең жететін стадионда ине шаншар орын болмағанын айта кеткен жөн.

Турнир кестесінде "Қайрат" (71), "Аят" (57) және "Атырау" (54) клубтары алғашқы үш орынға жайғасқан. Ал 52 ұпайы "Каспий" төртінші орынға көтерілді.