Франция құрамасының келесі жаттықтырушысы Зидан болады - Лебёф

Франция құрамасының бұрынғы қорғаушысы Франк Лебёф "Реалдың" қазіргі бапкері Зинедин Зидан ұлттық құраманың бас бапкері ретінде Дидье Дешамның орнын басу керек деген пікірде, - деп хабарлайды championat.com.

"Дешам қашан кететінін немесе Футбол федерациясы оны қай уақытта жұмыстан босататынын білмеймін. Бірақ Зидан ұлттық команданың келесі жаттықтырушысы болатын сияқты. Әрине, бұл үшін Зидан өзі келісу керек. 

"Реалдың" бас бапкері болып қала беру қиын. Флорентино Перес шыдамсыз адам. Зидан мүмкіндік пайда болғанда бірден Франция ұлттық құрамасын басқаратынына сенімдімін", - дейді Лебёф Goal басылымына.