Франция құрамасы Килиан Мбаппеге қатысты шешім шығарды

Футболдан Франция құрамасының бас бапкері Дидье Дешам шабуылшы Килиан Мбаппенің құрамаға оралатынын растады, деп жазады Vesti.kz.

Мадридтік "Реалдың" шабуылшысы Ұлттар лигасының наурыздағы ойындарына шақырту алды, онда Франция 1/4 финалда Хорватиямен ойнайды. Матчтер наурыздың 20 мен 23 күндері өтеді. 

"Иә, ол (Мбаппе) командаға қосылады", - деп береді Дешамның сөзін журналист Фабрицио Романо Х әлеуметтік желісінде. 

26 жастағы форвард құраманың қазан мен қараша айларындағы ойындарына қатыспады. БАҚ-та бұл жағдай Килианның "Реалға" тезірек бейімделуге ұмтылғандығымен байланыстырды.